Музей беларускага народнага мастацтва ў Раўбічах запрашае 15 снежня а 12:00 на адкрыццё выставы «Памяці Лявона Баразны», прысвечанай 90-й гадавіне з дня нараджэння.

Мастак, этнограф, грамадскі дзеяч, удзельнік беларускага Адраджэння… Яго працы і да сёння натхняюць яго паслядоўнікаў. Як мастак-графік даследаваў і рабіў замалёўкі беларускіх строяў ды арнаментаў. Як мастак-жывапісец ствараў партрэты ды пейзажы, прасякнутыя любоўю да гэтай зямлі. Першым пачаў вывучэнне гравюр Францыска Скарыны. Разам з паплечнікамі стварыў праект рэстаўрацыі Верхняга Горада і вуліцы Нямігі. Усё гэта — адзін чалавек. Лявон Баразна за сваё нядоўгае жыццё пакінуў багатую спадчыну.

На выставе наведвальнікі змогуць пазнаёміцца з рознымі аспектамі дзейнасці Лявона Баразны. Святочнае адкрыццё адбудзецца ў Музеі беларускага народнага мастацтва ў Раўбічах 15 снежня а 12 -й гадзіне. Працягнецца выстава 2 месяцы.

Падрабязную інфармацыю можна атрымаць па тэл. +37517 5074469 і +37529 1353241.

Музей працуе серады па нядзелю: 10:00-17:00.

Кошт уваходнага квітка: школьнікі — 2 руб., дарослыя — 3 руб.