21 верасня а 18:30 у Прэс-клубе (вул. Харужай, 3-601) пройдзе лекцыя «Чаму беларусы перастаюць ездзіць на ровары восенню, а фіны працягваюць круціць нават зімой?». Мэта лекцыі — натхніць людзей падаўжаць свой «роварны сезон». Уваход на мерапрыемства бясплатны, але неабходна зарэгістравацца, запоўніўшы кароткую анкету.

Спікеры лекцыі:

Пекі Такхола — кансультант гарадской адміністрацыі Оўлу (Фінляндыя);

Анастасія Янчэўская — дырэктар Мінскага роварнага таварыства;

Павел Гарбуноў — старшыня праўлення Мінскага роварнага таварыства.

Чаму фінам не холадна ездзіць на ровары ўзімку? Ці патрэбныя адмысловыя «зімовыя» колы? Ці ўплывае язда на ровары ў халодную пару года на здароўе? Як гарадскія службы ў гарадах Фінляндыі спраўляюцца са снегападамі? Ці трэба чысціць веладарожкі ад снегу? Адказы на гэтыя і іншыя пытанні вы пачуеце падчас мерапрыемства.

Публічная лекцыя будзе накіравана на актыўных веласіпедыстаў, гарадскіх актывістаў, журналістаў і ўсіх зацікаўленых у развіцці веларуху ў Беларусі.

Прэзентацыя арганізавана Мінскім веласіпедным грамадствам і Цэнтрам экалагічных рашэнняў пры падтрымцы Мінскага гарадскога камітэта прыродных рэсурсаў і аховы навакольнага асяроддзя ў рамках Еўрапейскага тыдня мабільнасці. Мерапрыемствы Еўрапейскага тыдня мабільнасці праходзяць у Мінску ў рамках праектаў «Гарадскі веларух у Беларусі» і «Развіццё веларуху ў рэгіёнах Беларусі» пры фінансавай падтрымцы Еўрасаюза і Праграмы малых грантаў Глабальнага экалагічнага фонду.

Уваход вольны!